..::يعني إيه كلمة رحيل؟!::..
كتبهاأحمد دومة ، في 17 أغسطس 2007 الساعة: 08:35 ص
..:: يعني إيه كلمة رحيل؟! ::..
الرحيل في الدنيا كلمه
يعني لـ "لقانا "البديل
يعني حلم سنين جميلة
جوه صحرا
تاه وليه ملقاش بديل
يعني دمعة
تكوي قلبي
زي بركان فيه يسيل
الرحيل يعني الفراق
يعني حرقه الاشتياق
يعني إنكـ في الحياه
راح تكون بالموت عليل
يعني تسأل كل نجمة عن حبيبك
تسأل الشمس البعيدة
تسأل القمر اللي ماشي
جوه زحمة ليل طويل
الرحيل هو الزعيق
حوه غابه من سكون
الرحيل إنكـ تهون
تمشي لكن جوه غيرك
يعني حر ….وفي السكون
يعني شمس بدون شعاع
يعني حلم قديم وضاع
يعني بسمه
يعني نسمه
هجرت الجو الجميل
يعني إن الروح تغيب
وانت قاعد بعد منها
تلعن النبض الغريب
ناسي إنكـ
كنت تايه وسط صحرا
بس ما لقتش الدليل
هو ده معنى الرحيل
….و…
ود
ود
ـــــــــــــــــــــــــــــــــــــــــــــــــــــــــ
التصنيفات : شعر،حب | السمات:شعر،حب
دوّن الإدراج
أغسطس 18th, 2007 at 18 أغسطس 2007 8:45 ص
يعني ايه كلمة رحيل ؟
لو حبيب ..
يبقى فعلا نار وشوق
يبقى هات حرقة ودوق
لو رئيس
يعني سيب العرش لابنك
يبقى بهدل
يعني اعزب جوه شعبك
يعني خلي مصر سجنك
لو رئيس
فالرحيل يعني موتك
لو مواطن
فالرحيل يعني دنيا ..
راح تسيبها
يعني ارض راح تدوقها
يعني تربة .. يعني ضمة .. يعني ضلمة
لو مواطن .. بس عايش
فالرحيل يعني انتفاضة
يعني ثورة
يعني تغيير من الجذور
يعني دين عايش في الدنيا
يعني دنيا لاجل دين
يعني ايه كلمة رحيل
لو مجاهد
تبقى فرحة
راح تجيلها
يعني طرحة
يعني جنة
يعني صحبة
يعني يا بخت اللي صدقوا
هوه ده معنى الرحيل !
“”"”"”"”"”"”"
الاخ الكريم استفزت كلماتكم كلماتي من سباتها العميق
تحياتي لقلم يدري ماذا واين يكتب
بوركتم
أغسطس 25th, 2007 at 25 أغسطس 2007 8:46 م
صديقى العزيز..أحمد
جميله هى كلماتك
عجبتنى جدا
وانشاء الله اقرالك دايما
ربنا يحفظك،،
أخوك نيجــر
أكتوبر 2nd, 2008 at 2 أكتوبر 2008 1:01 ص
مش المشكله ان حد يرحل عنك اللى يوجع ان انت تكتب كلمات رائعه زى دى وبعدين ترحل وتوجع اكتر حد حبك فى الدنيا دى كلها ساعتها لازم تعرف انك هتكون عنده ولا حاجه