..::شاعر إخوان ::..
رفع الأذان .. بقلم أحمد سعد دومة
رفع الأذان
والصبح جاء ليقتل الليل الذى
قد ظل يسلبنا الأمان
وتغلب الفجر الوليد
عبى ظلام القهر
وارتحل الهوان
وخيوط شمس الحق
تنسج ألف ثوب
منه ننسج صمتنا
كى لا نعود إلى زمان
ملنا فيه الزمان
وملنا فيه المكان
رفع الأذان
فأخرست أفواه كل النابحين
وصداه زلزل عرشهم
فمضوا يواروا كل قبح
عاش فيهم ..
منذ ألاف الستين
وتهافتوا نحو النجاة
كأنه
أربع حيطان
همّ الوطن من غير بيبان
ممنوع على الشمس الزيارة فى النهار
والقمر ممنوع كمان
أربع حيطان
والنمرة تلقاها الصديق
والصحبة " ملفوفة " ورق
بينها القلم
أما الكتاب هو الرفيق
وفيه شاويش ..
من حين لحين
بيطل صوته من بعيد
بيعدى لينا رغم قضبان الحديد
.. ومفيش جديد
سجان بصوته يزعجك
فتنام عليه ،
عم إسماعيل يبتدى الفجر الجديد
يبتديه بصوت أدان
وتردده الأربع حيطان ..
الساعة بتعدى فــ يومين
أما اليومين
فــ قول يعدوا بأسبوعين
اليوم طويل
بس بتلاوة وبحكاية ..
وبقراءة وبرواية
يفوت جميل .. ويفوت مفيد
بيعدى لكن آخرته .. فــ أربع حيطان !!
كلام كتير بيتحكى
" جمعة " البداية بأعلى صوت
و"عم سامى " عمر كلمة عليه تفوت
مرّة فــ سياسة ، فــ إقتصاد
مرة فــ أدب .. مرة فــ فنون
بنقول كلام … لو إحنا برّة
بيه مصيرنا للسجون
فــ أربع حيطان !!
نعيب شوية فى النظام
وشوية تانى نقول كلام
يحل أزمات الوجود
رغم القيود
ساعة تلاقى الموجودين
شوقى ونزار
شعرا .. وكلامنا نور .. ونار
وخاصة … " عبد الكريم " .. راجل قديم
بيعيش حياته بأحلى لون
وصوته بيصحى النهار
بيخلقه بين الحيطان !!
أربع حيطان
والعقل مليان أسئلة
ميت ألف ليه ومين وفين ؟؟!
وإمتى يلقانى الجواب
حي
من تدوينات سجين
ملعون أبوه …
يا كل عاشق للوطن
حان المعاد
إرسم على وشوش السما
" رغم المحن .. حرة البلاد "
زلزل بصوتك عرشهم
وامحى بكرامتك إسمهم
وارفض نكون للقوادين .. والعاهرين
احنا الولاد
إضرِب .. وإضرب صرحهم
وابقى انت شوكة فــ حلقهم
ده القهر زاد .. والعهر زاد .. والظلم زاد
وبلادنا بعد المجد صارت .. بين ايديهم
أرض بايرة .. زرعها .. ذل وسكوت
والطرح إيه .. غير الفساد ؟!
ياكل عاشق للوطن .. حان المعاد
من ربع قرن
وهو نفس الدور .. لكل الموجودين
هما البطل .. والمسرحية عالوطن
وإحنا يادوب متفرجين
هما اللى هتكوا العرض
وإحنا رضينا نبقى حارس ندل
.. لشوية كلاب
فضوا غشاءك يا وطن
وإحنا دفنا روسنا فى الطين والتراب
يبقى بلدنا مستباح
واحنا وسكوتنا للعدا .. نصر ومعين !
يبقى الذئاب هما الحكم
والخصم ديب من نسلهم
واحنا الرعاة
بعنا الغنم ببلاش .. عشان نرضى الطغاة
وياريت قبضنا فــ يوم تمن
ده إحنا اتسرقنا
وخفنا حتى ال ( لأة ) تخرج مــ الشفاه
ولبسنا توب الذل
فاكرين هيستر صمتنا
وأتارينا بيه مــ العريانين
ياللى رضيتوا بالهوان
حان المعاد
دم الآلاف بيبص فــعنينا بوجع
من سجن دمنهور العمومى … أحمد دومة يكتب :
" كلب العمدة " ..
أحمد دومة … وكلب العمدة
عندنا عمدة
راسه تخينة .. وكرشه كبير
سارق مــ الفلاح محصوله
ويا بذوره
ويا الطير
واللى يفكر لحظة يعارضه
أو حتى يجيب مرة فــ سيرته
يلقى فــ داره ألف غفير
ويهدوه فوق راس من جابه
ويجروه على دار العمدة
من غير لا إحم .. ولا دستور
… وكلب العمدة
.. زى العمدة
… غبى ومسعور
يهبش مرة فــ الواد حامد
مرة يعض دراع حسنين
وأهو مطلوق
ومالوش زى كلاب الدنيا .. حبل وطوق
ماهو يا اخوانا كلب العمدة
زى العمدة .. غبى ومسعور ..
ياد يا مخيمر
اجمع كل أجير فــ العزبة
واعلن فيهم :
دكرين بط عليهم فوراا
علشان عازم ناس مــ البندر
لازم ياكلوا عشان ينبسطوا
واجمع برضو حمام وطيور
لاجل ما يبقى مزاجهم عالى
ده مابينهم " سيدنا " المأمور
والمأمور بإيديه يمشينى
وبإيده برضو يخلينى
فــ العمودية تملى يا تور
… فـــ العصرية
رسالة أحمد دومة بعد الحكم عليه بالسجن عام والفى جنيه غرامة
رسالة أحمد دومة بعد الحكم عليه بالسجن عام والفى جنيه غرامة
" يصر هؤلاء القذرين على التأكيد على عبوديتهم وأنهم ليسوا أكثر من أدواات ليس لهم قيمه ولا منهم جدوى ، فمكالمة تبنى لهم حكما وأخرى تلغيه ..
فى قمة سعادتى أنا لأننى أذهب إلى السجن بتهمة التضامن مع غزه ، مهما اختلفت مسمياتها وتعددت لتلك التهمة التى تمثل شرفا لكل إنسان حر..
يعرض أحمد دومة السبت على المحكمة العسكرية بالاسمااعيلية ،وذلك على خلفية إعتقاله والتحقيق معه أثناء عودته من غزة ، حيث دخل أحمد غزة فى اليوم الرابع للحر ، وذلك للتضامن مع الشعب الفلسطينى والمشاركة فى بعض عمليات الانقاذ ومساعدة الجر المزيد
..:: حقوق الطبع والنقل والاقتباس محفوظة للجميع ...شريطة ذكر المصدر"شاعر إخوان ::..
